雖然一年一度的萬聖節等到 10 月尾先到，不過「 海洋公園 」在下星期四，便會在鑽石山荷里活廣場進行「招魂」……唔係，係「招人」扮鬼先啱。其實每年都要好多人去扮鬼扮馬，今年更一次過招 2,000 人，包括演員、台前幕後工作人員、服務員等，而分鬼演員最高更有 $145 時薪 ，有得嚇人又有錢收，去邊搵先？
首場「招魂大典」會係 2016 年 6 月 9 日（下周四）於鑽石山荷里活廣場舉行，而有部分職位會進行即場面試。另外，在 6 月餘下的星期六都會舉行多場「招魂大典」，並於 2016 年 6月19日出動流動招聘車，係唔同地區舉辦多場招聘活動。而今年將聘請約 2,000 人，當中包括 1,000 名扮鬼演員、 400 名後台工作人員、 600 名前線及後勤服務員工。獲聘扮鬼演員將於 8 月至 10 月期間，在公園內工作，最高時薪可達 $145 元，演員管理團隊的其他職位月薪更可高達 4萬，表現突出的演員更有機會成為海洋公園長期員工，今次真係機會嚟啦，飛雲！
