雖然早前韓國學日本，推出韓版深夜食堂，被網友插到體無完膚，不過仍然無損日本版的神級地位，咁都正常嘅，至少日本唔會夾硬為大叔加插愛情橋先！而最近 Netflix 自家製作最新一輯，並會採用日本班底制作，預計 10 月有得睇，唔知效果會變成點呢？
《深夜食堂》是由安倍夜郎同名漫畫作品所改編（漫畫目前在小學館發行的漫畫雜誌《 Big Comic Original 》連載），這部暢銷的漫畫在日本已累積銷售近 3 百萬本，並於 2009 年 10 月首次改編成電視劇，及獲得日本 Galaxy Award 。劇集第二季及第三季分別在 2011 年 10 月及 2012 年 10 月播放。
至於 Netflix 自家製版本，將沿用多位熟悉的演員，包括飾演餐廳老闆的小林薫和食堂裡的常客。不過，並不會跟足原著內容去拍，而是加入自家故事，例如由小田切讓飾演的片桐會前往韓國首爾，與一位全新的原創角色潤娥（由韓國女演員高我星飾演）見面，有人可能會覺得吸引，但亦有人可能會怕同韓國版一樣搞到不倫不類，會變成點？遲啲睇吓就知。
