上野樹里 參戰新片即刻升 Watt

前排先講完，由土屋太鳳主演嗰套新片《 青空エール 》（硬繹：青空吶喊）搵咗 22 歲嘅志田未來孖住 21 歲嘅土屋做高中生，搞到志田非常尷尬，甚至開到口話唔想再演高中生。 上野樹里

今次劇組終於做番啲嘢，新公布咗搵咗 29 歲「野田妹」上野樹里，做片中吹奏樂部嘅顧問老師兼樂團指揮。消息傳出後，即刻獲電影迷激讚，上野不單只年齡剛剛好夠演年輕高中老師之餘，小六已經學鋼琴嘅佢，音樂造詣更加做顧問有突，再加上，佢做親有關音樂嘅劇集或電影，都係信心嘅保證，例如出道作《喇叭書院》已經令佢贏咗唔少新人獎，《交響情人夢》……唔使多講喇啩？

來源：Modelpress