一年一度「マチ★アソビ」開催聲優、 cosplayer 齊現身

每年 5 月 3 日至 5 日，動漫迷都一定會集合在日本德島市，因為這幾天都會進行「マチ★アソビ」的活動，今次已進行到 vol.16 ，每次都有大量同動漫、遊戲相關的講座，全市都會以動漫為主題，而最重要，當然是一班可愛的日本 cosplayer 出現！

其實每次舉行「マチ★アソビ」，都一定會有人氣聲優服務市內一日，上年就做一日站長，搞到成班人迫滿車站，今次就改做一日便利店店長，而今次駐點便選擇在商場外的便利店旁邊，而今次現身的，分別有 TEAM OHENRO 的山下七海（《日常生活中的異能戰鬥》的姬木千冬及《高校艦隊》的八木鶇）、江原裕理（《おへんろ。～八十八歩記～》）及高野麻里佳（《記錄的地平線2 》的桃色姊妹），雖然三位都未算非常出名，不過都已經吸引不少動漫迷排隊。