忽然宣布結婚 相武紗季 被批為新劇宣傳

現年 30 歲嘅日本女星 相武紗季 ，喺藝能界發展雖然唔算一帆風順，但係都叫做有番幾齣代表作，不過自從《絕對彼氏》做過女一後，打後嘅劇，大多係做啲暗戀男主角，但始終都爭唔羸嘅二線角色。而家播緊嗰套《僕のヤバイ妻》( TVB 亂譯:《 危妻 》)仲做埋伊藤英明嘅二奶。

唔知係咪新劇平平，相武 3 號一大朝早，就透過事務所廣發 Fax ，宣布同行外人結婚嘅消息。有喜事當然獲一眾粉絲嘅祝賀，但都阻止唔到人聯想係同新劇做宣傳囉。不過，話又說回來，其實相武紗季「顏值」都唔弱，唔係都唔會畀長瀨智也「長揸」咗咁耐啦。

來源：Oricon Style