不足數個月便到巴西奧運，雖然今次的奧運有不少甩轆事情，但一樣無損觀眾對於奧運的熱誠。而最近地圖的競爭加劇，所以都要各出奇謀，最近 Apple Maps 便加入里約熱內盧的市內巴士路線，用家可以通過地圖找出最佳的交通路線，老實講功能不算新，有無吸引力便見仁見智。
其實自上年九月開始， Apple 便大力推動地圖內的交通路線功能，現時提供的地點為美國主要城市，至於其他地方，則仍未有太多資料提供，而今次明顯是想食奧運風先加入。不過，有用開手機地圖的用家都知， Apple Maps 的導航能力，仍未及 Google Maps 完善，就算不少使用 iPhone 的用家，都寧願另裝 Google Maps 進行導航，而交通配套後者亦一早有，有幾好用，可想而知。
