Ricoh 的 GR II 在上年七月推出後，由於影像質素有大幅改進，色彩還原度更高，所以深受 fans 愛戴。不過，部機始終用塑膠做機殼，望落似玩具。現時 Ricoh 就推出了一部「 八十周年版 GR II 」，除了是限量發售，亦用上銀色金屬塗層機殼，連快門掣及鏡頭外圈亦有金屬塗層，配搭真皮手柄，提升高貴感覺。
至於其他方面，硬件規格跟普通版 GR II 一樣，而除了機身有金屬塗層，前面的 GR 機型號亦換上白色，跟機再有一個黑色真皮相機套。 GR II 的售價為 $6,290，有興趣就要去睇睇實物。
