等足五年 宇多田光復活

被喻為「平成歌姬」的日本天后宇多田光，自 11 年宣佈停工後，淨係喺 12 年為電影《 福音戰士新劇場版：Q 》發咗新曲，就真係完全「靜默」，之後仲結埋婚生埋仔。 

今年初宇多田曾經話過會返嚟，正當個個歌迷都話得個講字時，4 月 4  日事務會就突然為佢開咗個新 web site 「 HIKKI’S WEB SITE 」，仲發布咗幾張宇多田喺 2 月影嘅新相，相中所見，佢個樣同五年前好似無乜點變，完全唔似 33 歲已為人母。個個粉絲除咗大讚佢保養得宜外，都希望佢把聲同五年前無分別，最好就同《 First Love 》咁已經夠殺晒。

 來源：OKMusic