雖然 iPhone SE 並無太大的炒賣價值，甚至不少人稱之為 iPhone 5c 的代替品，但其實作為用家，如果本身仲用 iPhone 5s ，又想平價換機，仍有一定吸引力。而單買手機，雖然夠平，但如果想抵上加抵，上台可能是更好選擇。點解？因為大部分台都推出零機價優惠，而且最平月費（$298）都適用，反正都要用，多一部免費機又何樂而不為？
現時三間網絡商，分別是3HK、數碼通及csl.都正式推出 iPhone SE 月費計劃，其中 csl. 、數碼通同中移動香港大部分月費都採用零機價出機，除咗最平月費計劃出 64GB 版本，要分別俾多 $290 、 $380 及 $360 機價之外。但講到最有吸引力，相信都算是 3HK 的月費計劃，除了全部月費零機價出機，揀 $498 或以上月費更可免費拎埋隻 Apple Watch SPORT 走。
抵唔抵，當然要計計數，以 3HK 最平月費出 64GB 版iPhone SE 為例，預繳 $3,980 ，為期 24 個月，每月月費總支出為
$298 + $39（增值服務）+$18（行政費）-$35（贈送額外回贈）=$320
而預繳金額攤分 24 期回贈，$3,980/24 =約 $165.8 ，亦是是話，你每月要支付實際月費為：
$320 – $165.8 = $154
如果你現時月費點都高過呢個數，即係多俾嘅錢補貼返落機價，以 $198 為例，部機都平了約三分一價錢，都有著數，加上如果你帶號碼轉台，會再有多2GB數據送俾你用，抵上加抵。
