前排先講完，日本女星戶田惠梨香近期工作多多，人氣似乎已經返晒嚟，先有宣佈會參演新版《死神筆記》電影版外，嚟緊仲有套新劇《 ドラマW この街の命に 》見街。
日前佢就孖同劇演員出席新劇試映會，拍檔加瀨亮率先發言，唔使多講緊係例牌讚下對手戶田。而輪到戶田發言時，係人都以為佢又係大讚對方一番，之後拍拍手走人。點知戶田竟然大呻，話同加瀨合作好唔慣，話之前《 SPEC 》度戶田要向加瀨講敬語，新劇就剛剛相反，搞到佢有時會用錯方式講錯嘢，不過因為對加瀨嘅信賴，喺咁安心嘅環境下，佢一定會更加投入去演。嘩！自嘲再曲線讚對手，呢招的確高明！難怪好多粉絲都話，自從戶田拍完套《危機之神》後，無論反應、狀態，甚至做人處事都漸趨回勇啦！
來源：Model Press
