食老本之作又翻 Loop 妻夫木聰蒼井優又當戀人

由日本名導山田洋次喺 2013 年執導嗰套《東京家族》，雖然一味 Sell 溫馨細膩，但得到音樂大師久石讓嘅加持，瘋狂咁橫掃咗該年日本界無數獎項。

日前，電影公司就公布咗山田即將開拍新作《家族はつらいよ》（硬繹：家族的痛苦），並且搵番晒《東京家族》演員如妻夫木聰、蒼井優、橋爪功等返嚟坐鎮。喺電影公司發布嘅新相，妻夫木聰又再會「翻撻」蒼井優合演情侶，但妻夫木今次就唔使好似《東京家族》咁，終日游手好閒等蒼井養，反而要做一名調琴師，靚仔到無得輸。難怪好多架妹架仔都話即使套片幾咁陳腔濫調都唔介意，單睇男、女主角已經值回票價。