日本女星戶田惠梨香，喺不少宅男心目中，都停留咗佢06年拍《死亡筆記》真人版嘅「 MisaMisa 」度，即使上年由身材勁到爆嘅佐野鄒子接棒，都無損戶田嘅地位。
可能電影公司真係聽到宅男「在世界中心呼喚戶田」，日前就宣布咗佢將會加入嚟緊10月上映嘅全新電影版《死亡筆記》，電影公司仲講到明，戶田係電影嘅最關鍵人物。消息一出，緊係引爆咗成個宅男界，好多人都高呼真． MisaMisa 終於回歸，好期待佢嘅演出。不過都有人擔心，上套《死亡筆記》 MisaMisa 已經死咗，個故事點樣去發展。但係講到尾，宅男最最最最擔心嘅，緊係戶田會唔會重披當年吊帶背心短裙仔嘅「超級戰衣」！
來源：modelpress
