好多人都鬧爆 TVB 劇集無新意，淨係識玩公式，但日本又何嘗唔係？好似上年《晝顏》成功玩不倫戀後，電視台不單只立即添食趕拍續集，其他電視台都照跟。今日朝日電視台就公布將會改篇自作家林真理子嘅《不機嫌な果実》，並且搵來 32 歲嘅栗山千明，飾演人妻同 29 歲嘅市原隼人玩不倫之戀。
喺宣傳會上，兩個主角當然互笠高帽，市川更不停大讚對方性感非常，仲話現實中無可能同咁靚嘅人妻「玩」。不過，市川呢番話肯肯定得唔到觀眾認同，事關栗山演親都係腹黑至極，又或者嘈到拆天嘅八婆，再唔係就強勢老虎乸角色，咁「黑暗系」女藝人，再加上佢由出道至今都係瘦到得排骨，真係好難同「性感」扯上關係囉。
來源：クランクイン！
