Mario孖寶兄弟可以說是一隻超長壽遊戲，早前推出Mario Maker俾玩家自行創作新版圖，就更加成為不少遊戲迷挑戰的對象，所以fans一直增多。有fans就拍攝出 Parkour crossover Mario遊戲的片段，仲要加埋遊戲內的CG，效果好真實。
其實 Parkour 的飛簷走壁動作本身已好吸引，但睇見兩個著住Mario服裝的人玩，再加上遊戲內的龜、砲彈之類的CG，就好似在真實世界中都可以玩到Mario一樣。而今次這段短片已經是第二彈，製作上比起第一集更認真同更多角色出現，如果有AR遊戲可以做到這種效果，相信都會幾受歡迎。
