經常都話去外國周行都有 Wi-Fi ，雖然我覺得同香港並唔算差好遠，但在紐約企近這個超高速免費 Wi-Fi 電話亭，當然係另一回事！而最近呢個快速電話亭又有新功能，就是加多個 Android 平板上去。你可能會話，加個平板有幾特別先？因為佢真正變返個電話亭，可以免費打網絡電話俾朋友，睇地圖、電郵都做到，最重要係唔使用自己個電話，駁免費 Wi-Fi ，減低中毒風險。
今次提供平板技術的公司，名為 Intersection ，可以有資格放入呢個電話亭，當然唔簡單，首先要經過高溫及低溫測試，而且必須能夠抵受攝氏40度及零下 20 度環境操作。而在平板下方設有數字鍵盤，使用者可直接輸入電話，網絡撥號到對方手機。而未來，平板亦會升級，提供更多政府電子服務。如果香港都有部一樣的電話亭，你估會唔會日日有人企喺度上網？
來源：The Verge
