唔用 iPhone 的理由可以好多，但相信其中一個絕對是無雙卡功能，就算偉大祖國一直都有推出 iPhone 雙卡方案，不過十個有九個都是藍牙駁多部電話，極中盡醜樣之能事。 反而美國就有人諗到，推出服務做到一卡兩號，呢啲先叫做細心嘛。
今次推出新服務的，是一間名為 Mast Mobile 的公司，主要是做虛擬網絡商的工作，現時推出的服務，主要是將兩個電話號碼，用一張 SIM 卡接收，而轉線打電話、收發短訊，用家只需裝個 app ，就可以做到，而全部過程都經由 Mast 完成，連設計都毋須入。 而服務是基於 Sprint 的網絡提供，計劃月費為 50 美元（約 $390 ），包括兩個號碼無限量收發短訊及通話，以及 1TB 的 4G 數據流量，價錢都幾合理。
來源：Mast Mobile
