生日開工獲贈言 橋本環奈曲線拜師

日本新生代女星橋本環奈，噚日出席佢嗰套新片《水手服與機關槍－卒業》嘅試影會，適逢橋本 17 歲生日，電影公司就送咗個機關槍圖案蛋糕，橋本已經冧到見牙唔見眼。

之後，同片嘅老牌演員武田鐵矢，就特別送咗個「環」字俾橋本，話會守護佢成為王者，橋本立即打蛇隨棍上，話會視對方終生嘅老師，咁識做，抵你套片拍咗咁耐都唔使爛尾。

來源：クランクイン！