每次買衫，就算見到個款幾靚都好，但一著上身就發現衣不稱身，結果又要揀過，雖然對不少女性來講，這個是買衫的樂趣之一，但對於陪買男士，都幾嘥時間。所以男士們都應該好想香港引入這個由澳洲人開發的智能試身室，因為只要入去掃一掃，就可以幫女士揀到合身的衫，慳到不少時間。
這個智能試身室，是由澳洲的 mPort 所開發，入面設有多個掃描器，只要使用者進入後，就會針對身高、體積、腰圍、臀圍、大腿圍等不同的數值，再配合顧客的年齡及性別，搵出合心水的衫。現時已有 25 個品牌與 mPort 合作，其中包括 Leona Edmiston 、 Jets 、 Bond-Eye 等，不過，要用都要有錢先用得，因為試身室除了首月免費試用之外，之後每年都要收取 25.99 美元（約 $203 ），但相比不停試衫的時間，抵啦！
來源：mPort
