WaT 散 Band 驚爆成員 14 年樣貌無變過

相當無番咁上下日迷資歷，都未必知日本有隊叫 WaT 嘅組合，但睇開日劇就唔多唔少聽過小池徹平同 Wentz 瑛士。由佢哋組成嘅 WaT 喺 2002 年以街頭唱作組合出道，唔講唔覺已經有 14 年。

喺 08 年分開發展嘅二人，直至舊年 11 月正式宣布散 Band 。 30 日晚佢哋兩個再合體，上咗日本節目「 Music Fair 」當表演嘉賓，唱咗佢哋出道名曲《僕のキモチ》（譯：我的感情）同埋最新曲《はじまりの時》（譯：最開始時），場面感人，尤其二人唱歌前，一人一句的自白，更加令人眼濕濕。不過，更好多粉絲留言話，兩個成員個樣好似食咗防腐劑，個樣同出道時幾乎一樣。