名偵探遊戲大家都玩得多，好似柯南、福爾摩斯之類，都好考玩家在對話過程及現場揪出蛛絲馬迹破案。而下個月亦會有新偵探誕生，今次的主角竟然是《 名偵探比卡超 》！戴著偵探帽的造型不失可愛，但點知一開聲，嘩成個大叔一樣！有無搞錯？
即將在2月3日推出的《 名偵探比卡超 》，是一款任天堂NDS手提遊戲，顧名思義，今次比卡超將會化身偵探查案。睇宣傳遊戲片，可以見到除了比卡超，其他小精靈都有在遊戲內現身，不知道到時是否需要用牠們的能力解謎？其實一開始都好懷疑只識「pika pika」叫的比卡超，到底點樣查案；點知原來偵探比卡超識講人話，而且更配了一位成熟男士的聲音，fans可能會有點失望。但大家可以放心，因為偵探比卡超只是另一個系列的角色，因為遊戲內仲有原裝比卡超出現，換言之，應該仲有隻只識「pika pika」叫的真身，好在！
