前幾日先報導過小米同華為都分別會出雙系統平板， 話咁快小米平板就有新消息， 官方網站確定， 將在 1 月 26 日上午 10 點開賣，而闕賣的將會是預裝 Windows 10 的小米平板 2 64GB 版本，定價為 1,299 人民幣（約 HK$1,538 ），想買，又要準備搶先有。不過，今次新機只能使用單系統，想用雙系統乎似仲要等。
雖然今次推出的 Windows 10 版本， 不過用家都可以自行更換系統至 MIUI 7 ， 而小米亦會提供軟件幫用家更改系統，但亦只可以二選一。 規格方面， 機身只有 6.95mm ， 採用 7.9 吋 2048 x 1536 像素屏幕， 內置 Intel X5-Z8500 處理器及 2GB RAM ， 至於接頭則使用 Type-C 。
來源：小米
