《回到未來》電影入面越來越多科幻諗法被實物化，好似Nike的自動綁帶波鞋，磁浮滑板等等，不過，磁浮滑板暫時只可以在特定地方先玩到，反而這塊搭載住36個小風扇的 浮空滑板ArcaBoard ，就有望在下年四月面世，但售價約港幣$156,000，有錢先玩得起。
這塊由ARAC Space開發的 浮空滑板ArcaBoard ，板上裝有36個小型風扇，起動時馬力達272，足夠載起一個243lb的人，離地浮起30cm前進，時速最高可達20KM。不過，暫時只可以連續行6分鐘，廠方話如果用專用充電器，就可以35分鐘後再繼續玩。專用充電器都不便宜，一個都要三萬多元港幣，加加埋埋仲貴過架真車。其實諗人一層，到底點樣控制塊板只會浮起30cm？一跳落地的話塊板會否即刻急速飛起？認真令人費解。睇怕要下年四月中推出，先可以解開這個謎團了。
