香港好多人都會去淘寶網購，仲好興會搵平價貨買，不過，平價貨最大風險，除了服務態度差之外，隨時貨不對辦，退貨更經常發生。一怒之下無處發洩，當然就是俾負評。但最近在國內就發生一單新聞，當負評之後，網店竟然上門尋仇，都幾得人驚。
其實件事好簡單，只不過買了件衫，但寄錯款，之後當然要退貨，但賣家堅持不付郵費，之後買家就俾負評，過程好多人都試過。不過，之後買家就收到短訊，話如果不刪除負評，就會去教訓他，當然見到這種短訊，正常人都啋佢都傻。點過當晚就有三條友上門，拳打腳踢，要刪除負評，最後只有屈服。
之後都仲有後話，就是報案拉人，但作為買家，其實都幾驚。雖然話網店正評尤如命根，不過用買家條命威脅就並非講玩。當然身在香港，要特別過來上門可能性近乎零，但我有理由相信上門尋仇都做得出，寄盒「米田共」去你屋企都一樣會有可能！
來源：驅動之家
