女士們為貪靚，化妝品絕對不會慳，甚至有公司開發專用儀器，去睇皮膚質素，當然之後就順手 sell 埋你買護膚品。不想次次都落鋪，仲要俾人狂 sell 破費？最近就有人開發電子面具 MAPO ，可以即時幫你分析皮膚狀況，再提儀你要點做同用咩護膚品，就不怕有人煩住你。
這個號稱全球首個可連接手機或智能裝置的面具，只要女士戴上用 1 分鐘，即可分析你的皮膚，除了水份、皮膚質素之外，仲可以即時睇埋有無因太陽晒而出現過多黑色素，需不需要做美白等等。
而在手機睇完報告之後，當然亦會話你知要點做，例如皮膚太乾要做保濕，黑班出現要做美白等，幫你改善皮膚質素。現時在 Kickstarter 進行集資，最平 15 歐元（約 $127）就可以買到，不過要埋護膚套裝，就要 30 歐元（約 $254 ），預計下年年中可以出貨。
來源：Kickstarter
