對於宅男 / 宅女來講，無講在任何節日都好，屋企都是最舒服的地方，有時想去二次元旅行，就上網去 Google 街景幫手，想去邊都得。至於聖誕又唔想同人迫，又要扮去過銅鑼灣、尖沙咀， Google 街景都幫到手，仲要入埋商場行，來個室內二次元旅行。
Google 街景今次特別走進皇后像廣場的「香港繽紛冬日節」會場、利園一期、希慎廣場、時代廣場、利舞臺、國際金融中心商場、置地廣場和海港城，可作 360度全景睇聖誕掛飾、卡通公仔和佈景！同時，在香港旅遊局的網頁也可以睇到 Google 街景提供的「香港繽紛冬日節」 360 度實境影像，都幾好玩。
除了熱門地點，今次仲首次帶來大棠的紅葉街景，只要一機在手就可以 360 度欣賞紅葉靚景。無論是用電腦版 Google 地圖、 Google 街景 Android 或 iOS 應用程式，全部都可以睇到。想由二次元變成三次元旅行？只要下載 Google Cardboard（Android 或 iOS），配上 Google Cardboard 就可以來個虛擬實境的「睇」驗，正!
