要數田宮模型最為出名的作品，當然就是曾風靡全港中小學生的四驅車！雖然時至今日，四驅車的流行程度大減，但廠方仍不時會推出新產品。而最近有網友在Facebook專頁「TAMIYA RC FANS CLUB（田宮神教）」貼文，指田宮推出「 電雞 」 四驅車 ，仲要「後驅、兩腳獨立避震、可變形飛雞。」立即引起不少回宮迷討論。
單由貼文中的圖片可以睇得出，這隻外形似雞的物體，主要是一盒遙控模型，而這隻「電雞」更能提供四種不同型態，不過對於一眾由細玩「變形金剛」玩到大的讀者，一睇就發現極度不合理，而且盒上的非英文文字仲要是不知名文字，似流料居多。
而眼利網友當然亦紛紛走出來「食花生」，有網友表示「有啲咁嘅嘢？」，亦有網友指出「假圖啦，不過我鍾意」，亦有網友指「Really ? Buy 」，總之似乎對這隻「電雞」都幾受落，似乎田宮可以認真考慮喎。
