Microsoft 推出嘅 Windows 7 一眨眼已經有 13 年，雖然呢個 OS 先後喺 2015 年及2020 年被宣布終於更新支援，但根據市場統計公司數據顯示，至今佢嘅市場佔有率依然有11%，可見唔少人都好留戀呢個系統，對 Windows 10 嘅介面始終唔多鍾意。不過，Microsoft 喺上星期二真真正正唔再為專業版及企業版提供任何關鍵及重要漏洞嘅擴展安全更新，意味就算再有任何嚴重漏洞被發現，都唔可能得到任何保護，企業用戶自然好大件事，因為繼續使用將等同廣邀犯罪分子參觀內部系統，想要啲乜可以隨便睇隨便揀，而個人用戶亦可被對方偷取所有儲存於電腦內嘅帳戶及重要資料，上網變得更加唔安全。
撇除安全性，繼續用 Windows 7 都唔見得方便，因為好多瀏覽器基本上都唔再支援 Windows 7，好似 Microsoft Edge 109、 Google Chrome 110 版都預計會放棄支援 Windows 7，NVIDIA 更早喺 2021 年已唔再為 Windows 7 更新驅動程序。
其實除咗 Windows 7，較少人用嘅 Windows 8.1 亦喺上星期二壽終正寢同埋有上述問題，雖然 Microsoft 都了解唔係咁多舊電腦符合升級上 Windows 11 嘅要求，但官方都建議大家可以購買 Windows 10 頂住檔先，至少可以撐到去 2025 年 10 月 14 日，
