Google 喺 11 月尾為 Chrome 瀏覽器推出安全更新，但無諗過事隔一個星期，Google又再為更新推出另一個更新，而且新出現嘅漏洞，嚴重性仲相當高，可以令網絡罪犯遙距執行惡意編碼，而且有證據顯示已經有罪犯利用緊呢個漏洞發動攻擊，如果話減肥係女士一生嘅事業，咁修補漏洞，就係網民持續不斷嘅任務。
Google方面表示，Chrome嘅安全更新將會陸續為Windows、Mac 及 Linux 版本推出，由於嚴重性高，所以現階段唔會透露詳情，以免被有心人利用，詳情只會喺當大部分用戶都安裝更新後先會公開。計埋今次嘅零日漏洞，Google Chrome已經係今年內推出第9次安全更新，而最新版本係 108.9.5359.94。如果網民唔想等自動更新，可以喺 Chrome內點擊 About Chrome，手動檢查用緊嘅版本，如果已經可以下載最新版本，就可以直接點擊安裝。
