PlayStation 5 已經推出，社交平台不斷有朋友出開箱post，相信都睇到好多人流晒口水。不過隨住愈來愈多機出售，相關的錯誤報告亦開始曝光。有玩家就在Reddit上投訴，話部PS5會無端端轉動碟機內的光碟，即使自己玩緊其他數碼版遊戲，甚至用緊其他服務。
另外，亦有用家話PS5會每隔45至60分鐘，就會轉動遊戲碟一次，雖然都明白系統可能有需要定時檢查一下碟機內有無遊戲碟，但都無必要轉得太快或太大聲，仲要一轉就轉20秒，一來好滋擾，二來亦擔心會加快折損碟機壽命。
Sony現時仍未發佈相關消息，不過既然愈來愈多玩家投訴，相信都好快會出來解釋清楚。
