對於攝友，一個滿意的相機袋，的確不容易找到；性能好，但外形未必好，外形好，但又未必孭得舒服，而且單純用於放相機，可能一星期最多用一日，好似好浪費……其實要滿足以上要求又唔算好難，最近香港有代理引入韓國品牌GIGL的相機袋，其中 PROJECT NINE Black Edition 系列仲可以返工影相兩用，都好吸引。
未聽過GIGL ？都唔奇。因為間公司於2016 年成立於韓國首爾，歴史上並不算長，但2016年開始參與韓國本土和海外大型的設計及時裝展覽，2018 年更獲邀到韓國最大型的COEX商場展出作品，同年亦在美國LA時裝展覽展出。2019年其Makers 系列於奪得2019 IF Design 設計大奬，及後於巴黎Maison & Objet Paris 展覽展示，單睇品牌的資歷都唔算太差。
GIGL 分別以MARKERS T系列、PROJECT系列及UBAG系列為主，其設計實用多變，以不同的布料配搭出各種低調而奢華的風格，成為設計及時裝界的新寵。而主打攝友的是 PROJECT NINE 系列，其中 Black Edition 的吸引力最高，當中包括有背包型的PN9、斜孭及腰包兩用的PN7、圓桶型設計的PN5。
先講PN9，可以話是成個系列的主角，除了可以擴充空間，由25L提升到35L外，仲有大量的細袋，方便將不同物品分門別類擺好，更加容易搵。另外，個袋除了可以放相機，亦都有放手提電腦的專用間隔，平時用嚟返工都無問題。去旅行的話，設計亦可以將個袋扣在喼嘅手柄位，細心到無朋友。加上拉鍊位加埋防水層，套埋個防水袋，能好好保護個器材。
至於PN7，亦都係一個比較少見的設計，平時可以當成一個長身的斜孭袋用，但設計上中間有個摺位，摺埋之後，就可以變成一個腰包用；而PN7及PN5都有個特點，就係不單止可以夾係單車上面用，更可以同PN9合體，只要你有錢，最多可以係PN9加五個袋，將容量擴充到極限，就算有幾多器材要帶出街都無問題。
售價
PN9：HK$1,520
PN7：HK$760（三色選擇: 灰色/ 藍色/ 黑色 / 黑色特別版）
PN5：HK$980（細碼）、HK$1,080（中碼）
查詢： +852 3700 5700
