日本女星吉高由里子出名神神化化，癲到無心工作自製小休一年去旅行。不過，佢啲戲又的確係勁，舊年復出作《東京白日夢女》（東京タラレバ娘），立即令佢人氣返晒嚟，吉高套新劇《正義檢事》（正義のセ）嚟緊見街喇，當事人就走咗去綜藝節目《行列のできる法律相談所》谷戲，點知佢又玩嘢，自製咗個疑似SheShe戀嚟搞搞新話題。
吉高話喎，佢同「親友團」嘅搞笑藝人近藤春菜真係Friend過打Band，每日都會傳E貓，傾下當日行程，即使放假去玩都唔會斷絕，但係唔知點解最近春菜停咗無Send畀佢，令佢覺得非常失落喎。
此言一出，搞到個個嘉賓O晒嘴，宅男都留言大嗌唔信，事關吉高出晒名肉食成性，點會忽然轉向。再講，記者翻查番佢個Twitter，近期吉高同春菜繼續成日去夜蒲，先幾日春菜先安排咗啲羔點去片場，同吉高打氣。
來源：ナリナリドットコム
