日本女團乃木坂46成員堪稱個個都樣靚身材正，成員出親寫真都賣開巷，好彩佢哋都無因為咁唔記得歌迷，噚日仲公開咗佢哋第20首單曲《シンクロニシティ》MV，搞到宅男輪住係咁Loop。
睇開乃木坂，都知佢哋玩開另類曲風，今次個MV都有少少玩嘢，去咗長野縣某位建築家起嘅全木Building度拍，據講話，拍攝當日外邊落好大雨，搞到室內氣溫都有啲凍，但係佢哋又要赤足同埋着住件透到唔透嘅白裙仔跳舞，搞到個個成員一入場都嘩鬼叫。
但係呢，宅男們又點理得咁多，個個都牛咁眼睇到實一實，半日唔使就吸咗廿幾萬點擊率，真係犀飛利。
來源：Oricon News
