沖涼水忽冷忽熱？教你點揀慳電即熱式電熱水器

部分住宅如村屋、新式樓宇或某些較舊樓宇的家庭，因為未能安裝氣體爐，只能夠安裝電熱水器，市面上亦有多種三相即熱式電熱水器選擇，免去往時等候「煲熱水」的時間。新式的三相即熱式電熱水器不單熱水供應恆久穩定，外觀簡約時尚，功能上亦切合不同家庭需要。

個爐拎咗去維修，冇得沖熱水涼？

冬天嘅時候冇得沖熱水涼真係慘過冇涼沖! 電寶深明這苦況，所以提供十分貼心的服務，推出即熱式電熱水器借用服務，給予現安裝VED的客戶，只需要支付按金，便可以免費租用熱水器，讓你無間斷擁有熱水供應，即拆(壞爐)即裝(借爐)。

一件零件壞咗就要整部換新？

符合經濟原則及為環境保護出力，德國威能即熱式電熱水器的內部零件，可跟據損毀程度更換部份損壞的零件，用家可以大大減低維修費用或購買新電熱水器的成本。電寶提供完善的售後服務，預約維修後約3日便能夠安排師傅上門檢查及維修。

長知識: 唔好以為唐樓先要電熱水器呀! 現時香港約有兩成住宅，因為大廈未有安裝煤氣管道或浴室未有安裝窗口(特別係新樓蝸居)，而需要安裝電熱水器。

點解沖涼時啲水忽冷忽熱？

其實而家嘅電子恆溫熱水器係好聰明！我哋只要輸入所需要嘅溫度（一般沖涼係38-41度），將個水龍頭撥去淨熱水嗰邊，裏面嘅電子板，水流閥就會幫你計算好加熱溫度，幫你輸出你要嘅水溫。相反，如果你自行溝水（龍頭向中間或冷水），若果廚房，洗面盆，或另一個廁所有人用水的話，搶咗啲凍水，你沖沖下涼就會忽冷忽熱傢啦！記住記住記住！用淨熱水嗰邊呀！

花灑、水流量同熱水器有咩關係?

市面上花灑頭由慳水嘅5.7-9公升/分鐘至雨林式花灑頭嘅16-20公升/分鐘流量都有。如果你屋企嘅係節能慳水嘅即熱式熱水器，如果流量係8公升/分鐘，就最好買一個流量較細中等嘅花灑頭啦！一般有按摩功能或雨林式嘅花灑流量需求好大，如果爐嘅輸出量比較細，就會做唔到你要嘅效果架啦！所以買之前夾一夾自己個爐個輸出量同花灑先選購，就唔會唔啱心水啦！

如何讓熱水爐更耐用？

其實每一次大廈洗完水缸，水喉裏面都有可能存有氣泡同雜質，開咗熱水爐後，水管裏面嘅水加空氣/雜質逼咗入爐内之發熱芯，輕則，有機會令到發熱芯損毀，導致壽命大大減短，重則，可能會燒發熱芯嘅情況，。

所以當你知道有停過水或者洗過水缸，記得喺熱水爐唔通電嘅情況下，將龍頭撥去熱水位置放幾分鐘水，直到水流無再窒吓窒吓或者無氣或雜質噴出黎先至開爐，熱水爐就會更耐用架啦！

仲有，同類型狀況都有可能發生係新安裝爐上面。原因都係因爲未放曬爐入面嘅氣而開咗爐導致燒發熱芯，如果因安裝錯誤導致燒發熱芯係無得保養！為咗保障自己同荷包，記得記得確定你嘅安裝技工係識得呢個工序啦！

VED E Pro