現時不少手機都有無線充電功能，不過，可供使用的充電器選擇不多，而最近推出的 Spigen 無線快速充電座，應該算是多個充電器中較為實用的選擇，因為採用斜台設計，用家只要好似普通手機支架一樣放上手機，即可充電，一邊睇片一邊充電，方便性更高，售價為 HK$398 。
Spigen 無線快速充電座採用雙線圈系統，支援直向及橫向放置手機充電，不論是邊充電邊看影片，還是邊充電邊使用手機，都完全無問題。採用 9W Qi 快速充電技術，只要手機使用 QC 2.0/3.0 標準，便可做到無線快速充電。適用於 Qi 標準的手機，包括 iPhone X 、 iPhone 8 / 8 Plus 、 Samsung Note 8 、 S8 / S8 Plus 等，提供 LED 指示燈，提示充電狀態。
另外，如果使用 iPhone X 的用家，由於角度面向使用者，所以當收到 Massage 的時候，就算有其他人望到你部手機，都無法用 FaceID 解鎖睇到，相反機主只要一望就可以自動解鎖睇訊息，更加方便。配合 Spigen 無線快速充電座，放枱頭充電，望一望就知有咩 message，唔洗郁手超方便！
售價：HK$ 398
查詢：8113 1148
