Motorola Verve Ones ME 開售 HK$1,299 聽歌最長八個鐘

上年 Motorola 與 Binatone 合作研發並推出 VerveLife 系列真‧無線耳機，而最近又有新款推出，今次又講到號稱自己玩到八個鐘，不過，當然無咩可能，其實是每次播放時間為 2.5 小時，連埋外置充電盒，加加埋埋，就有八個鐘囉！（又係呢招）不過今次價錢降到 $1,299 ，仲會有 IP54 防水，都算有得諗。

擁有單咪設計的 Verve Ones ME ，主打高清音效，提高通話質素，應該對於不少用過 Motorola 的用家，不會陌生。為了達到防水效果，機身採用矽膠包裹，設有耳膠可穩定在耳朵上，方便在運動時都用得。另外，耳機的機身兩側上都有一粒實體按鈕，用家以單按、長按的方式來操作音樂流程和接聽電話，都算方便。