有睇過《頭文字D》漫畫版的讀者，都應該記得拓海部 AE86 ，因為引擎故障而被京一打敗，最後拓海老爸換上比賽專用 AE-101 引擎，繼續不敗神話。不過， AE86 莫講話香港，全球都唔易搵，反而另一部被指是 AE86 後繼型號，在 2012 年推出的 GT86 ，都幾受人愛戴。最近更有車廠仲學埋《頭文字D》，換上更強引擎，馬力更激上 1300 匹！
今次操刀的並不是日本的豆腐店老闆，而是來自澳洲的改車廠 StreetFX ，特別將一個 GT-R R35 的 4.1L 雙渦輪增壓引擎，放入 GT86 之內，而由於 GT86 的車重，只得 1270 公斤，相比 1730 公斤的 GT-R R35 更加輕身，令到引擎的馬力輸出，完全達到 1:1 ，所以先有 1300 匹馬力的表現。
來源：Carscoops
