任天堂 Switch 日前正式在香港發售，如果是標準遊戲機迷，都應該入手，而由於今次部機可以帶埋出街用，所以好自然會諗：不如好似手機，包返層膠保護一下。不過，膠真係不能亂派…..貼至真，因為外國專做手機包膠的 Dbrand ，推出的包膠，竟然令到部機甩漆，部機推出只得幾日，真係見到都肉赤。
其實外國已有不少用家入手兼買埋貼來包，所以先會發現問題，不過今次都算有良心，因為唔係網友踢爆，而是由 Dbrand 自爆問題！由於廠方都只是由部機開賣前四日先收到，經過測試後發現原來貼膜上的膠水會令到機身部分塗層脫落，當然 Logo 亦都無得幸免，一樣照甩！
而廠方好有良心即時停賣相關產品，而預訂的用家亦都退款，至於今次究竟是膠水太強勁，還是機身漆油太差？廠方唔會答你，但我估你都心中有點！
來源：Reddit
