任天堂的 Switch 聽日開始在香港有得賣，而不少人都心癢換機，不過，今次 Switch 改用同 SD 卡 size 差不多的遊戲卡中帶，又會唔會俾小朋友誤會是糖果、朱古力而食落肚先？外國就有記者，親身測試 Switch 遊戲卡帶的味道，話你知小朋友一定唔會 Like ，點都唔會食落肚，至於會唔會俾佢地當玩具收埋，就真係唔敢包！
今次「試食」的，是一款名為「薩爾達傳說：荒野之息」（ゼルダの伝説ブレスオブザワイルド，The Legend of Zelda: Breath of the Wild）的重磅遊戲。而試食者 Dieter Bohn 第一個感覺，就好似在口中噴殺蟲水，感覺非常之差，而且這種味在口中揮之不去，非常後悔。而且試食時只不過是用舌尖舔了一下，還未完全放入口，可想而知其殺傷力有幾高
而這位記者試食完之後，不少網站都認為任天堂故意加入這種味道，以防小朋友誤食。因為大部分在家中的電器，最多都只係有金屬味，而有殺蟲水是相當罕見。
