日本雜誌《週刊プレイボーイ》，堪稱係宅男的神物兼啟蒙老師，事關每期都搵到班波濤洶湧嘅水著女星影大量寫真。好似近期馬場富美加同石川戀輪住上場，搞到班餓狼傻咗咁期期買。宅男咁Buy當然有叫座力，巴閉到連專賣清純嘅有村架純都幫佢哋影過濕身照，AKB前一姐前田敦子更加要真空穿圍裙。
好喇，入正題，前水著女星逢澤莉娜近年走去拍劇，雖然唔係擔正，都叫長拍長有。可能佢見事業無乜起色，決定將封印咗4年嘅咪咪解封，近日幫《週刊プレイボーイ》影咗輯水著寫真。咁嘅好消息緊係引來無數宅男嘅歡迎，班狗……衝睇完仲留言話，平時喺電視睇慣唔覺，反而睇番啲珍藏，在有對比下先發現，25歲嘅逢澤相比4年前，個樣大過咗又靚咗好多之餘，事業線仲長咗好很多。個個流住鼻話，解封嘅感覺特別爽喎。
來源：OriconStyle
