28歲日本女星佐佐木希好恨嫁已經唔係新聞，但恨咗咁耐始終都無人追（或睇唔上眼），慘到近年連緋聞都絕埋緣，可能，佢痛定思痛，終於要再搞搞新意思Sell下自己喇。日前佢就喺IG度Po咗幾條片，都叫成功引起到話題。
千祈唔好心邪以為佢Po甜片，更加唔係低裝到自講擇偶條件或好似131咁Sell自己，而係佐佐木趁新年返咗老家，自拍個同姪女錫面玩嘅溫馨樣，完全成功塑造自己幾咁慈母，最勁就係去到尾仲Po埋同祖母拖手照，宅男睇完，真係會幻想同佢照顧高堂，母慈子孝嘅幸福樣。
真心希望佐佐木今年搵到好歸宿，唔使每次新聞都係講佢點出招冧客……唔係，係冧仔。話晒佢都叫要樣有樣，要身材有身材吖。
來源：ModelPress
