日本男星小栗旬套真人版《銀魂》，日本要到7月先有得睇，但宣傳已經開始陸續有嚟，繼之前Po過造型照，獲粉絲勁讚後，小栗旬就喺除夕夜，孖菅田将暉同橋本環奈拍咗條短片賀新年，兼放埋預告片谷谷佢。
據講話，條片嘅賀年歌係由橋本寫曲，小栗旬填詞，內容講咩聽唔明大致都估到又係嗰啲嘢。不過最有話題性，就係橋本環奈拍埋喺高人一等嘅小栗旬隔離顯得特別矮，雖然勉強話忠於原著設定，但再睇睇，橋本套窄旗袍係就係夠晒窄，但可惜佢本人就無佢飾演嘅神樂咁有身材，最終搞到同粉絲FF嘅就……有啲隔離囉。
https://youtube.com/watch?v=Ugk1HA2ClMg
來源：Dogatch
