經常去韓國玩的人，都應該知道當地近期好興食蒸海鮮，其中九層海鮮更加熱潮飲到埋香港。不過，其實除了九層海鮮大熱之外，仲有一個新興的七層海鮮。你可能會話：少咗兩層喎！？無論，因為七層海鮮是用大大個木箱製作，七層份量已經過多九層多多聲，而今次介紹的，就是位於京畿道水原市花之海洋水原總店（꽃핀바다 수원본점），包你食完一次會再想去！
京畿道水原市在哪一個地方？其實都可以坐地鐵去，有少少遠，只要在首爾站轉車去水原站就得，不過，就要坐大約一個小時多少少，所以如果你要去食，最好計劃埋去水原周邊地方玩，就不怕浪費時間在坐車上。
既然要坐成個鐘頭車去，食物如果不吸引，講都無謂講，所以當然有可取之處先叫你去。其實食店餐單上，會以層數分為不同價錢，以最高級的七層為例，最豪級別最第一至第七層，分別有清蒸大八爪魚、原隻大龍蝦開邊蒸、金菇牛肉、點心、清蒸扇貝、雜錦海鮮同人參雞湯，單是以上七層，都夠幾個人食，而且每一樣食物賣相都相當吸引，望到都想食。
由於全部海鮮都是清蒸，除了部分會有蒜蓉之外，好多都食原味為主，而為了加強風味，店鋪會有三種醬料，分別是芥末醬油、甜辣醬、韓式醋醬，如果你本身不太食辣，就只得最後一種醬料可以你揀。而第一種較為近似日本食法，但相信香港人就會覺得芥末有點少。至於甜辣醬就即係韓國辣醬，食得辣一定要試。
雖然好吸引，但又會不會太貴，超出預算先？主要有三層至七層來分價錢，而底一層就一定要有，亦即時最少食四層。
基本
底層加三層木箱（共四層） 49,000韓圜（約 $322）
底層加四層木箱（共五層） 62,000韓圜（約 $407）
底層加五層木箱（共六層） 89,000韓圜（約 $585）
底層加六層木箱（共七層） 119,000韓圜（約 $782）
另加
蔬菜 10,000韓圜（約 $66）
牛肉 / 貝類 20,000韓圜（約 $132）
龍蝦(500g) 30,000韓圜（約 $198）
飯 1,000韓圜（約 $6.6）
刀削麵/烏冬/拉麵 2,000韓圜（約 $13.2）
關東煮(3串) 2,000韓圜（約 $13.2）
價錢老實講並不算平，不過去旅行來說又未至於好貴，而一個共四層的木箱，大約可以夠幾多人食呢？如果女仔多，三個人食都得，不過有男仔，最好預兩個人食，但就算加飯加麵亦都不算貴，一定食得飽。
花之海洋水原總店（꽃핀바다）
地址：경기 수원시 팔달구 인계동 1044-14 / 京畿道水原市八達區仁溪洞 1044-14
點去？ 先坐車去首爾站之後再轉車至水原站，然後再轉車去水原市廳站落車
營業時間：11:30 至 23:00
電話：070 8870 8489
