新年時節去日本，當然是趁公司年尾大減價掃平貨，不過年尾時節，如果仲未買得夠，其實過完年之後，有更多優惠等你，好似日本百貨公司年年都有的福袋，點可以錯過。不過，有良心的公司，會用透明袋，等你大約知有什麼在內，但如果無又點？下面慢慢話你知。
福袋邊喥有？
其實福袋是日本公司推出的貨尾優惠，簡單講就是將一埋產品放入一個袋，以優惠價出售，而好多都以限量發售，例如50個、100個等，亦有部分福袋每袋定價都不同，買的時候一定要留意！
1.Bic Camera
作為日本大型電器百貨公司，又怎會沒有福袋賣，袋內當然以電器為主，其實由小至相機、大至手提電腦都有。由於電器不能隨便亂買，所以店內一定會有一個福袋牌，話你知不同編號的袋內，有什麼產品，當然有心頭好，都記得問埋電壓香港用不用到，否則返到香港又要加多個變壓器，自己攞嚟煩。
2.無印良品
香港人都會好熟的無印良品，當然亦都有福袋賣，而且仲有有分不同種類，例如文具(1,000 日元)、美容（2,000 日元)、家品（3,000 日元）及衣服（3,000 / 5,000 日元），由於無印良品在日本都好多人買，所以一定大把日本人同你搶，不想浪費時間，記得先昅昅個袋，因為透明包裝，睇到心水先好買。（不過不少日本人會通宵排隊…）
3.3Coins
作為一間 300 日元店，入面主要賣一些家居小雜貨，由衫褲鞋襪到餐具都有，而每逢新年都會推出福袋，主打低價為主，每個只不過是 300 日元就買到，通常都會有三、四件產品，都好抵買。
4.Mister donut
無論去韓國定去日本，都一定會食Mister donut，其實間中都會推出禮盒裝，吸引人買donut回去食，但原來新年都會有福袋，而福袋大部分是同其他公仔合作推出，所以深受不少女性歡心，有買就趁手！
5.各大百貨公司
基本上只要是日本百貨公司，都一定會有福袋賣，不過有部分會好似阪急百貨（梅田店）每層都有福袋賣，但亦都會部分會集中在一層出售。甚至有部分會好似京急百貨，提供早兩個月先行預約購買福袋都有。所以行開百貨公司，記得要留意埋商場內有沒有標示！
買福袋攻略
1.留意日期
其實福袋一般都會在新年期間出售，1月1日去買就包無死…錯！因為有此店鋪在 1 月 1 日並不會開門做生意，亦即時可能要 2 日或 3 日才會有，所以去之前一定要上官網睇清睇楚時間，以免去到先知未開鋪無得賣。另外，如果如果想知個福袋有什麼，不妨利用 Twitter 進行關鍵字搜尋（日本人比較鐘意用 Twitter )，可能已經有人急不及待放上去。
2.不合用怎辦？
如果真的不合用，可以怎辦？網上有人話可以去涉谷109出面，同日本年輕人進行以物易物，亦可一試，不過語言不通，的確有一定難度。如果最後都不能成功，仲有一個方法，就是 Facebook 大神幫手！不過放上去記得寫賣想賣幾多錢，免得好朋友、親友要，你都不知怎樣開價好，直接開定，對方想要都不好意思 say No 啦!
