又到年尾，除了要準備農曆新年大掃除之外，更重要當然是搵工，無論是拿了雙糧之後搵，或是突然食了無情雞搵，甚至突然間想轉換工作環境都好，都可以借助手機app 幫手。大家最熟當然有 JobsDB 、 Recruit 等，但其實仲有好多 app 可以幫到手，想搵到份好工，其實都並不難。
job Hunter 搵工皇
如果一個app可以集合所有的搵工 app ，當然最好不過，而這個 job Hunter 搵工皇最大的好處，就是可以一次過連結了大部分現時最常用的搵工 app ，方便你一次過看到所有求識 app 的工作，雖然可能會不 update ，但總方便過你要睇均有有 app 方便。
政府工通知你
想搵一份薪優糧準的工作，當然首選政府工，而這個政府工通知你的 app ，便可以得到第一手的政府工相關資料，而當有職位空缺時，亦可直接接收到通知，令你可以第一時間申請。不過，政府工通常都要申請半年先有，遠水不能救近火……
互動就業服務iES
由勞工處推出的手機 app ，只要勞工處收到資方申請，便會放到這個 app 內，雖然勞工處的工作，不時都要求高但人工低，但多一個機會，都好過無，而且間中都會有一些來自非牟利機構的筍工出現，都值得留意。
GoHour
如果本身做開零售行業的話，這個 GoHour 的手機 app 會更加合適，因為有不少特約的機構，都是零售行業為主，包括誠品、米蘭站、bossini 等，不同的售貨員都包含在內，無論你想做哪個類型的公司，都可在此找到。
招聘日
除了單對單見工之外，其實亦可透過招聘日找尋工作，不過，要得到不同招聘日的資料，便可下載這個 app 幫手。當中搜集全港不同的大型招聘日日期、時間及地點，只要選好主題，便可去碰碰運氣，看看有沒有合適的工作。
Jobdoh 職到
對於不少人來說，可能想趁住年尾，先放一放假，等過完年之後再搵工，但手停口停，大可先找找一些散工，都可以幫補到不少。而這個 Jobdoh 職到最特別之處，是上午登記下午便可以上班。而且會幫你計算好如果全上班這份兼職可以賺到多少錢，方便你去衡量揀哪份工作。
炒散王
可以說是現時最大型的散工集散 app ，工種都幾多，由需要技術的兼職，到勞動性為主的兼職都有，總有一份合你心水。而介面都當易看得懂，可以看到時薪與及出糧方式。而用家亦可以自認為好工分享給其他朋友，相當方便。
