聖誕節剛剛過去，有伴的當然過得開心，無伴的或者打機打通宵，都叫過得唔錯（即係自我感覺良好），當然亦總會有自己一個過，但又好不甘心的人，而這種人在日本就特別多，今年又有什麼新花款？可能好似這位仁兄，用幾個簡單道具，或者都可以過一過難忘聖誕！（俾人捉入青山？）
道具一：一出三吹龍
開得派對，當然有個吹龍先可以搞搞氣氛，不過得一個人，死吹爛吹都只得一個聲，好似好孤單，而這個自行設計的一出三吹龍裝置就好有用，用條膠喉駁落口，同時有三、四個聲出，即時氣氛都炒熱好多。（係咪稱之為自 High ？）
道具二：人形公仔
講到明不想一個人過，當然身邊總要「有啲嘢」先得，可以考慮的是吹氣公仔！不過，吹氣公仔有時太大，或者太過私隱，唔多想帶出帶…仲有時裝店專用的半家公仔！不要小看他，放在椅上同你身高差不多，總對無「違和感」，著埋聖誕衫（女裝），就不怕無「人」陪！（進入超妄想模式…）
道具三：化妝面具
雖然完全達到自我滿足的階段，不過，宅宅的世界，外界的凡夫俗子未必會明白，當中的超然感受！想自己同「伴侶」玩得盡興，最好當然要戴個化妝面具，既可增加派對的聖誕氣氛，又可減少被人認出的機會。(終於說出了真心話…）
道具四：聖誕大餐
全個聖誕的重點，當然是聖誕大餐！臨時先搵地方？無可能會有位！（有位你敢入！？）其實最佳地點，就是老麥，其一是少人，其二就是角落位多，不怕其他人騷擾。至於點餐方面，當然要麥樂雞餐，仲要買九件或兩個六件餐為佳，正所謂輸人不輸陣…聖誕無火雞，都要多雞…肉取勝！
你睇完覺得慘？但自我感覺良好！當然，還望大家在麥當勞見到有人使用以上道具，可以高抬貴手不要按三個字的電話號碼…補祝大家聖誕快樂！！
來源：Twitter
