日本女星吉高由里子出晒名神神化化，前年佢拍完套晨間劇《花子與安妮》後，喺個勢唔錯下，竟然自己放自己假成年，搞到今年回歸都無乜新作。幾經辛苦，事務所終於幫佢搲到下季孖榮倉奈奈同大島優子，拍日劇《東京タラレバ娘》（東京白日夢女孩）當女一。 吉高由里子
原本久休復出個話題性都幾大，電視台更加為咗佢，特別開咗個IG帳戶嚟谷劇。點知，身為閒角嘅石川戀，今日無啦啦在自己Blog度Upload咗張新相，話為咗拍好套劇，重新染咗成頭金髮。
Po文一出，立即引爆咗整個宅男界，事關石川戀就係因為憑一頭金髮，喺有川架純套《奇跡補習社》嘅小說版封面度一炮而紅，好多宅男都讚佢個金髮Look，一睇就勾起對佢嘅性……興趣咁喎。
來源：Narinari.com
