日本的可口可樂公司，一向都好進取，好多時都會有新口味推出，例如好似之前推出過咸西瓜味、檸檬薄荷味，甚至似足藥水的櫻花味都有，好不好味見仁見智，但最近又有隻新品登陸日本，更講到是史上最初！什麼口味？原來係薑味可樂！雖然口味正常，但想率先試飲就一定要填表同玩老虎機先有得飲，名額限定 1000 名。
當然不會只得 1000 人有得試，其實在今個冬天，都會限定有得賣，至於同我們間中都會飲的可樂煲薑有什麼分別？真係飲過至知。不過估計薑味未必會太重，同一定是凍食囉！而真正發售日期，就會在 1 月 23 日全日本推出，只限 500ml 膠樽裝，定價為 140 日元（約 $9.3）。
來源：CocaCola JP
