新垣結衣《逃恥》收視破紀錄連美國駐日大使都要聞歌起舞

一開播就講過，日本女神新垣結衣孖星野源套劇集《逃げるは恥だが役に立つ》(簡稱：《逃恥》)片尾曲《恋》嘅「恋舞」注定成為熱潮，但最估唔到，個「熱潮」痴線到直捲日本全國。

噚日套劇大結局，個個結衣Fans都等睇再創收視紀錄，結果緊係不負眾望，收視去到20.8%，以火十劇嚟講已經係刷新咗奇蹟。但最勁就係，噚日美國駐日本大使Caroline Kennedy，趁結局，就拉晒成個大使館上上下下，連出咗差都要，拍片跳咗Part「恋舞」，美其名就話與眾同樂，為日本市民提早慶祝聖誕，但實情……你懂的。