古今中外嘅娛樂圈，最慳水慳力又係人都受落嘅宣傳方法，當然係搵對男女傳下緋聞，傳下又傳下，即使假到痺班港女C9都話之理。但好似日星川口春奈同山崎賢人呢對，就好似有啲例外……
事緣，春奈妹同山崎最近合作拍新片《一週間フレンズ。》（一週間朋友），唔使多講，緊係搵啲緋聞嚟做下宣傳，最近日媒喺任何報道入面，都不停咁暗示到硬屈佢哋有嘢，「報道」佢哋喺片場如何合拍、如何投契，雞蛋裡挑骨頭到，拍完各自返歸都要死拗佢哋喺度扮無嘢。
老實講，山崎同N年前嘅緋聞女友土屋太鳳，而家係點情況，可能連當事人都未必知。但可以肯定嘅係，川口春奈同福士蒼汰依舊打得幾火熱，即使福士同「推倒機」小松菜奈拍片，都無損佢對男友嘅信心。
怪唔之得，最近呢堆緋聞辣㷫咗唔少粉絲，仲話要發起罷睇添，呢啲咪叫關公災難囉。
來源：ModelPress
