日本女星桐谷美玲，可能未必個個會J，但佢經常拎美人獎就肯定係事實，去年更加連續四年拎到「全球百大美女」，坐實佢靚女嘅位置。難怪上季拍《有喜歡的人》時，成班女演員都要搏老命減肥Keep Fit，連菜菜緒都要係咁敷Mask都唔想被佢比下去。
今日，桐谷又被美容雜誌《VoCE》選為年度美人喇，應該拎到麻木兼麻痺嘅桐谷，繼續發揮天然呆本色，拎獎感言就話，拎到獎當然好高興，不過都有覺得少少尷尬，之後仲公開咗「Keep住靚」心得，話呢個時候，最大敵人就係凍，所以佢會慢慢咁享受浸浴，浸到個肚都感受到溫暖。聽到有晒畫面，認真識做。
來源：Oricon Style
